في معرض GDC اللي بيقام كل سنة للمطورين شركة Sony اعلنت اخيرا عن تفاصيل كتيرة لنظارة الرؤية الواقعية او الـVR الخاصة بيهم و هي الـPlaystation VR.
اولا بالنسبة للسعر تكلفة الـPlaystation VR هتكون 400 دولار و دا يعتبر نفس سعر الـPlaystation 4 وقت نزوله في اواخر 2013.
اما مواصفاتها هي كالاتي, الشاشة هتكون شاشة OLED مقاسها 5.7 بوصة بتقدم دقة عرض 1080p بشكل عام و كل عدسة هتقدم دقة عرض منفردة بيها 1080*960 و معدل تحديث للصورة 120Hz بزاوية رؤية 100 درجة و معدل استجابة 18 ميلي ثانية والنظارة هيكون فيها 9 مصادر اضاءة لتتبع الحركة اللي هتكون حركة دائرية كاملة 360 درجة,
هيتوفر معاها سماعة خاصة بيها و وحدة معالجة خاصة بالنظارة و علي المستخدم انه يكون عنده الـPlaystation Camera اللي سعرها هيكون 60 دولار عشان يقدر يفعل مميزات تتبع الحركة.
و معاد اصدار النظارة بشكل رسمي هو اكتوبر 2016 اما الالعاب المتوفرة ليها هما كالاتي :
- Eagle Flight
- EVE: Valkyrie
- Headmaster
- Rez Infinite
- Wayward Sky
- RIGS: Mechanized Combat League
- Tumble VR
- Until Dawn: Rush of Blood
- PlayStation VR Worlds
