أخبار و مراجعات ألعاب الفيديو

كل مهمات القصة في لعبة Call of Duty: Black Ops 3 هتكون مفتوحة من البداية

SHARE
, / 232

Treyarch قررت لاول مرة في سلسلة Call of Duty انها تخلي مهمات القصة مفتوحة من البداية. و دا يمكن يكون قرار غريب راجع لاكتر من سبب.

المطورين اولا كان عندهم الرغبة في ان تجربة القصة اللي بتتقسم علي اكتر من مهمة تكون اشبه بتجربة مشاهدة المسلسلات علي Netflix بحيث تكون كل الحلقات متوفرة من اول يوم, السبب هنا ممكن يكون غريب لكن السبب الاساسي هو تجربة اللعب التعاوني اللي بتتقدم من خلال قصة اللعبة لاول مرة.

اللعب التعاوني بيفرض علي اي شخص بيلعب انه يطور من اسلحته و قدراته و يقدر يشوف ادامه ادوات و اسلحة افضل طول الوقت, لذلك Treyarch عندهم الرغبة ان تجربة اللعب تكون سلسة بين مجموعة اصحاب بيلعبوا مع بعض  يقدرو يدخلوا اي مهمات في اي وقت يبدلوا مع بعض الاسلحة.

الموضوع اشبه بتجربة الـDrop In Drop Out اللي موجودة في بعض الالعاب اللي معتمدة علي اللعب التعاوني زي Destiny او Borderlands.