Activision اكدوا من خلال المدونة الرسمية للعبة Call of Duty: Black Ops III ان اللعبة هتنزل لاجهزة الجيل القديم Xbox 360 و Playstation 3.
الفترة اللي فاتت مع الاعلان عن اللعبة كان في افتراضات ان اللعبة هتكون نازلة لاجهزة الجيل الحالي و PC فقط لكن اجهزة الجيل القديم انضمت لقايمة الاجهزة اللي اللعبة هتنزل عليها. و النسخة دي بالتحديد هتكون من تطوير Beenox و Mercenary Technology و الاختلافات بين نسخ الجيل القديم و الجديد ان نسخة الجيل القديم محدودة في الـCOOP بين شخصين فقط اما الجيل الجديد 4 اشخاص.
اما بالنسبة للبيتا هتكون متوفرة فقط جيل جديد و PCو مفيش اي معلومات عن تطوير نسخة للـWiiU.
