من فترة اتسرب معلومات عن خطة Bungie الخاصة بمستقبل المحتوي اللي بيتم اضافته لـDestiny , و يمكن عرفنا ان في اضافة ضخمة هتكون موجودة في سبتمبر اللي جي بأسم COMET اللي هي ممكن نقول هتخلي اللعبة Destiny 1.5 !
Eric Hirshberg مدير Activision اكد ان فترة الخريف في 2015 هتشهد اصدار محتوي ضخم للعبة و تقريبا دا اللي يأكد الصورة اللي اتسربت من فترة , التصريح اللي قاله المدير كان في اجتماع خاص بالمستثمرين و اكد فيه ان في خطط موضوعة في الوقت الحالي و متحدد من خلالها مستقبل اللعبة من اضافات.
من الصورة اللي ممكن تشوفوها فوق من الواضح ان اضافة COMET هي اللي كان بيتكلم عنها و اللي يبدوا ان هيكون بعدها اضافتين صغيرين زي The Dark Below و House of Wolves
