أخبار و مراجعات ألعاب الفيديو

تعرض قصة Destiny لتغييرات قبل نزولها بسنة

SHARE
, / 239

قبل شهر من نزول Destiny في معادها الاول اللي كان سبتمبر 2013 قبل ما تتأجل و قبل ما كاتب اللعبة يستقيل من الشركة – مطورين اللعبة راجعوا قصة اللعبة بشدة, حسب المستند المقدم للقضاة بخصوص تطوير اللعبة.

Destiny من المفترض إنها كانت تنزل في سبتمبر 2013, ولكن القصة تم مراجعتها بشدة في بداية أغسطس 2013, وبسبب كده اللعبة احتاجت موعد اصدار جديد وهو مارس 2014 و تم تعديل شغل كتير جدا كان خلص.

 Martin O’Donnell كشف في ورقه المقدم ضد الشركة في القضية إيه اللي حصل في الستوديو ما بين 2013 و 2014. و مع ربط ورقه مع المعلومات المعروفة للعامة, ده بيكشف إن اللعبة فعلا وجهت مشاكل خلال تطويرها.

بعد شهر من مراجعات القصة, في سبتمبر 2013, الكاتب Joe Staten كاتب Destiny اعلن انه هيسيب الشركة بعد 15 سنة معاهم, شغل Staten تضمن عمله في قصص Halo و روايتها. Staten حاليا شغال في Microsoft Game Studios.

Staten لم يكن الوحيد من عمالقة الستوديو اللي ساب الستوديو قبل مااللعبة تنزل.

بعد ما Activision ناشري اللعبة بدلوا المزيكة الخاصة بيه في عرض E3 2013, الملحن O’Donnell أخد أجازة في خريف 2013, ورجع و اشتغل على القصة وسجل حاجات.

أول ما رجع, المشرف بتاعه و الفريق كان حاسس إن O’Donnell مكنش بيطلب منه انه يقوم بدوره ك مدير الصوت, وتم طرده في ابريل 2014.

اصدار Destiny في خريف 2013 كان جوه الستوديو فقط ومكنش للعامة, و برضه الموعد التاني اللي كان مارس 2014. و Destiny برضه منزلتش في ربيع 2014, ولكن نزلوا الـAlpha وبعد كده البيتا في يوليو, واللعبة نزلت في 9 سبتمبر 2014.

ومن ساعتها, قصة Destiny كانت طبعا هي اهم نقطة انتقاد في اللعبة ديه. بعد سنة من نزول اللعبة, Bungie فعلا اعترفت بضعف القصة. وإنها تأمل بتصليح كده في الاضافات والأجزاء القادمة.