واحد من الناس اللي بتلعب GTA 5 لقي قائمة اختيار اضافات, و كلامه ده على أساس إن اللعبة بتفحص الجهاز عندك وتشوف إيه الاضافة اللي اشتريتها وبعد كده تدخلك القائمة ديه. زي GTA 4 القائمة اللي كانت بتيجي عشان تختار يا GTA IV يا Episodes From Liberty City زي Ballad of Gay Tony و The Lost and Damned
اللي موجود في قائمة ديه هو GTA, Trevor و Dead. ممكن اللعبة تكون بتشير إلى اللعبة الأساسية أو GTA Online.
Trevor ممكن يبقى اضافة للعبة الأساسية, وهنا هنشوف الكازينوهات والألعاب اللي هتبقى متوفرة فيها ,مهمات الاغتيال, و احتمال كبير مهمات تابع CIA *وكالة المخابرات المركزية*. ممكن Trevor يكون شغال معاهم أو اتخطف للتحقيق معاه في الوكالة, دي حاجة مش هنقدر نتأكد منها دلوقتي, بس على الاقل Rockstar متقدرش تنكر الموجود في Source Code اللعبة.
السؤال الاكبر هل الاضافة ديه هتبقى حصريا على PlayStation 4 زي ما في كام مصدر كان قال كده.
GTA 5 هتنزل على PlayStation 4, Xbox One و PC على آخر سنة.
