اول تفاصيل عن لعبة Resident Evil Revelations 2 و بالتحديد عن القصة نزلت بشكل رسمي اخيرا.
اللعبة اولا هتكون بطلتها claire redfield , و المفروض ان اللعبة هيتم عرض قصتها علي هيئة حلقات هيتم اصدارها بشكل اسبوعي. كل حلقة هتنتهي بنهاية مشوقة او زي ما هو معروف cliff-hanger.
و اللعبة هيتم اصدار حلقاتها بشكل رقمي زي العاب Telltale و اي حد ممكن يشتري حلقات معينة بشكل منفصل او يشتري الـSeason Pass. سعر الحلقة الواحدة هيكون 6 دولار و الـSeason Pass سعره 25 دولار للحلقات الاربعة كلهم و هيتم اصدار اللعبة علي اسطوانات بعد لما تنزل الحلقات الاربعة بشكل كامل و معاد نزول اللعبة في 2015 علي PS3, PS4, PC, Xbox 360 , Xbox One.
