اضافة Left Behind للعبة The Last of Us اللي نزلت علي الـPlaystation 3 و متوفرة مع الـRemastered Edition علي الـPlaystation هتكون متوفرة بشكل منفصل علي الجهازين بسعر 10 دولار وهتنزل يوم 12 مايو اللي جي.
ايه السبب ان Naughty Dog ينزلو الاضافة دي بشكل منفصل ؟؟ من وجهه نظرها انها اضافة مناسبة جدا انها تقدم الناس للعبة زي The Last of Us و كمان اللي هيشتري الاضافة دي هيكون متاح ليه لمدة ساعتين انه يجرب الـmultiplayer mode بتاع اللعبة الاساسية.
شخصيا ممكن اشوف ان الخطوة غريبة جدا بسبب ان الاضافة مش بتقدم بنسبة كبيرة نفس مستوي الجيمبلاي من اللعبة الاساسية الكافي انه يعرف الناس عليها هي فيها بعض اللحظات البسيطة القريبة من اللعبة الاساسية. خصوصا مع انتشار البلاي ستيشن 4 حاليا فا من السهولة ان اي حد يقدر يجيب اللعبة الكاملة اللي معاها الاضافة دي و يلعبها خصوصا ان اللعبة ممتازة و مش محتاجة تقديم من اي نوع.
