أخبار و مراجعات ألعاب الفيديو

مراجعة WRC 5

SHARE
, / 216

مع غياب لعب سباقات كتيرة في الجيل الحالي و معتش فيه لعب سباقات Rally محترمة خلال الكام سنة اللي فاتوا, ستوديو Kylotonn Games بيحاول انه يغير كده. WRC 5 هي لعبة Rally متوفرة حاليا على PC, PS4, PS3, PSvita, Xbox 360 و Xbox One.

WRC هي سلسلة كان بيتم تطويرها من قبل ستوديو Milestone, ولكن حاليا المطور الجديد للسلسلة الطويلة ديه هو ستوديو Kylotonn Games.

اللعبة ديه شغالة على الـEngine الخاص بيها, الـEngine تم بناءه كله مخصوص عشان اللعبة ديه و الستوديو بيأمل إن المحرك واللعبة يحققوا النجاح المطلوب. طبعا اهم حاجة في السباقات هو النقل الخاص/Handling بالسيارة, خاصة في سباقات الـRally, السيطرة على السيارة في اللعبة كويس و ده على كل المناطق المتاحة في اللعبة. لو عايز تتعود على السواقة في اللعبة في Training Mode بيفسرلك كل حاجة في اللعبة. لأي حد لسة جديد في النوع ده من لعب السباق أنا بنصحه بشدة انه يبدأ اللعبة بـMode ده.

 في Career Mode, هتبدأ في أقل Class. لازم تسابق في كام حلبة كده و تعلي مكانك لحد ما توصل لبطولة العالم في WRC. في اماكن كتير و حلبات ممكن تستعرض فيها مهاراتك. كل الحلبات بتتعاد ساعات في Career Mode, ولكن كل مرة بيبقى في اختلاف زي مرة في الطقس و معاد السباق صبح ولا ليل وهكذا. و ده بيدي احساس مختلف كل مرة.

خلال الراحة ما بين كل سباق وسباق في Career Mode, لازم تاخد بالك من عربيتك. هيبقى فيها ضرر ولازم تصلحها فـلازم تستخدم شوية من وقتك ومصادرك. هيبقى في مدة معينة من الوقت عشان التصليح وفي بعض الأوقات مش هتقدر تصلح أي حاجة. فـ خد بالك وإنت بتختار هتصلح إيه وخلي في ستراتيجية واضحة ليك, لأن كل قرار هتاخده هنا هيبقى ليه تأثير على أداء العربية. لازم تصلح المحرك بتاعك, الفرامل وهكذا من وقت لوقت. خد بالك وإنت بتسابق و حاول متعملش ضرر للسيارة الخاص بيك على قد ما تقدر. لو صلحت السيارة غلط ممكن تبوظ منك في سباق و ده معناه إنك هتخسره.

بالاضافة إلى Career Mode, في Single Race و Online Multiplayer. لما بتخش Online, مش هتسابق ضد حد بشكل مباشر, لا بشكل غير مباشر, هتسابق حاجة زي الشبح بتاعهم ولازم تخلص في اسرع وقت. فيه برضه Online Challenges هتسابق في دول باعاقات معينة.

Yegy menha

WRC 5 هي بداية كويسة على الجيل الحالي. الـGraphics مش بالشيء المبهر, ولكن الجزء اللي جي من المفترض انه يبقى ممتاز من الناحية ديه. في الوقت
الحالي, ممكن تركز على التمرين عشان تبقى كويس جدا من اجل المنافسة في بطولات eSports اللي هتبدأ في 2016. في للاسف شوية Framedrops و Popups في اللعبة, ولكن مش مؤثرة على تجربة اللعبة.

WRC 5 هي لعبة Rally جيدة. مش ممتازة, ولكن هتتمتع بيها جدا.

عرض اطلاق اللعبة: