على الرغم من مشاركة المخرج الكبير Guillermo del Toro في Death Stranding كشخصية مهمة في قصة اللعبة, المخرج مش هيشارك في عملية كتابة اللعبة مع Hideo Kojima.
أنا دوري هو شخصية, Kojima-san اتصل بيَّ و قالي انه عايزيني أبقى شخصية في لعبة وأنا ردي كان بكل سرور. بعدها Kojima وضحلي أفكاره عشان أقدر افهم الشخصية, ولكن غير كده أنا مليش أي دور تاني.
الكشف عن شخصية Del Toro كان في العرض التاني للعبة, اللي شاركه أيضًا الكشف عن مشاركة Mads Mikkelsen.
اللعبة بكاملها لعبة خاصة بـKojima-san, أنا اعتقد إنها هتبقى لعبة ممتازة بنسبة 100%. ولكن ده هو وافكاره أنا مجرد دمية في ايده. مشاركتي محدودة في العملية الابداعية وهي مجرد إني “مشجعة” لأفكاره و يتم فحصي لساعات. ده كل اللي بعمله.
Del Toro اضاف انه شارك في عملية فحص دقيقة جدا, بـ ثلاثة أضعاف عدد الكاميرات اللي بيبقى متوفر في العادي عشان الـModels, ده معناه إن الشخصيات في اللعبة هتبقى مفصلة جدا.
