SK Productions News Center

مطورين سابقين في Bethesda و CD Projekt Red ساعدوا في تطوير عالم Horizon المفتوح

ممكن تكونوا لاحظتوا إن مشروع Guerilla Games الجديد Horizon: Zero Dawn في بيئة مختلفة تماما و شكلها مفتوح أكتر بكتير عن بيئة Killzone الخطية جدا. وده بسبب إن تصميم Horizon مختلف أكتر من أي حاجة الستوديو اشتغل عليها. إنك تعمل التنقل من لعب خطية للعب عالم مفتوح هو اكيد أمر صعب جد, وخاصة لستوديو معندوش خبرة كبيرة في المجال ده.

وده سبب إن Guerilla اختاروا مصممين معينين من ستوديوهات ضخمة صمموا العاب زي Fallout و The Witcher عشان يساعدوا في صناعة اللعبة ديه.

حسب مقابلة مع Jan Bart Van Beek مدير الفني للستوديو و Lambert Muller المنتج, قالوا إن اكبر تحدي للفريق كان التنقل من صناعة مستوى بياخد ما بين 45 دقيقة لساعة, إلى صناعة تجربة بيتم استثمار ساعات كتيرة جدا فيها. فكان افضل حل لـGuerrilla هو تعين مواهب بتعرف إزاي تعمل اللعب ديه.الستوديو جاب مطور من Bethesda و كاتب Horizon كان شغال على Fallout: New Vegas على سبيل المثال. و برضه الستوديو جاب مطور من CD Projekt Red.

دول طبعا مطورين عارفين إزاي العاب العالم المفتوح بتتصمم. حاليا هم شغالين في Guerrilla Games عشان يساعدوا ان اللعبة تكبر و تنمو. Van Beek قال إن ده درس مهم جدا للكل عن إزاي تتجنب الأخطاء اللي كله هيعملها لما يبدأ في تطوير أول لعبة عالم مفتوح ليهم.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.