Final Fantasy XV من اكتر الالعاب اللي في ناس كتير نفسهم يعرفوا معاد نزولها و Square Enix في خلال الفترة اللي فاتت قالو ان اللعبة هتنزل في 2016, لكن مخرج اللعبة Hajime Tabata قال ان تحديد معاد النزول النهائي هيكون في مارس 2016 !! ايوة بالفعل معاد النزول اتحددله معاد للاعلان عنه.
Tabata قال ان اللعبة حالية جوانب الذكاء الاصطناعي و الوحوش و النظام القتالي مكتملة بين نسبة 30 لـ80% و اتكلم كمان عن تفاصيل تخص نظام قيادة السيارات في اللعبة.
في اللعبة من الممكن تسوق عربية اسمها Regalia او ممكن تخلي اي شخص من الاشخاص اللي بيرافقوك يتحكم فيها في حين انك تتفرج علي المناظر اللي موجودة حواليك او تخش في حوارات مع الشخص اللي جنبك.
و من خلال فيديو اتعرض في ندوة في معرض PAX prime اتوضح نتايج التطوير مع الوقت في جوانب كتيرة جدا.
