PS4 Neo/High End و Xbox One Scorpio تم تأكيد وجودهم, و هم بيمثلوا حاجة احنا أول مرة نشوفها في سوق Consoles, و ده طبعا بيأثر على تطوير اللعب. حاليا الفكرة ممكن تؤدي لمشاكل لو التنفيذ لم يكن قريب من الممتاز.
Arran Seaton من Monothetic Games, وحاليا شغال على Beacon, قال انه قلقان من الأجهزة المطورة ديه و إنها ممكن تؤدي إلى مشكلة, مطورين آخرين تحدثوا عنها أيضًا, وهي إن المطور ممكن يقلل من النسخة الأساسية و يحاول انه يوفر زي حل وسط على النسخة الـBase *النسخة الخاصة بـPS4 و Xbox One العادي* عشان يقدر يستغل قوة الأجهزة الجديدة.
أنا بتمنى إن Sony و Microsoft يبقوا عندهم سياسية صارمة خاصة بالنسخة الـ’Vanilla’ بتاعت الـXbox One و PS4 العادي و تبقى متوفرة بكامل امكانياتها و ثابتة على أعلى مستوى. مثاليا, اللعبة هتشتغل على نفس اعدادات الجودة الخاصة بـPC. النسخة العادية هتشتغل مثلا على Medium, أما النسخة الخاصة بـScorpio و Neo هتشتغل على High أو Very High. ولكن في الحقيقة أنا معرفش هل ده هيحصل ولا لأ.
هيبقى شيء محبط جدا لو المطورين قرروا انهم يستغلوا القوة الجديدة الخاصة بجهازين عشان يوصلوا لحاجات عالية جدا, بدلا من ظبط اللعبة على الجهازين.
ظبط المشكلة ديه ممكن فعلا يبقى زي الـPC, و Seaton اقترح حاجة زي كده إن نظريا يبقى في زي تحسينات لدقة العرض مثلا. يعني اللعبة تبقى متوفرة على جهاز 4K و تاني 1080p مثلا, أو جهاز يبقى في anti-aliasing بجودة أعلى. وهكذا.
