بعد الكشف عن ستوديو Hideo Kojima الجديد و شراكته مع Sony, المطور كشف تفاصيل أكتر عن مستقبله.
في مقابلة مع IGN, تحدث Kojima عن اهدافه في اللعبة ديه اللي هتنزل أولا على PS4 و بعد دقة PC. وتحدث أيضًا عن الستوديو الجديد وطموحاته.
أنا عايز أصنع حاجة على قد المستوى اللي ناس متوقعه مني, ولكن في نفس الوقت حاجة جديدة ناس مشفتهاش مني.
اللعبة القادمة هتبقى لعبة كاملة
مخرج الفن Yoji Shinkawa هينضم مع Kojima في Kojima Productions الجديد. Shinkawa كان اشتغل مع Kojima في Konami على سلسلة Metal Gear Solid.
احنا بقالنا فترة شغالين على سلسلة الناس بتعشقها و ليها شخصيات مميزة, واحد من اهم الأهداف لينا من ناحية الـVisuals, هو مهما كانت الشخصيات اللي هنصنعها إنها تبقى أفضل, تبقى معروفة أكتر, محبوبة أكتر. ده واحد فعلا من اهم الأهداف من ناحية الفن في اللعبة.
الستوديو طبعا لسة في أول أيامه و لعبته القادمة ممكن متبقاش حاجة ضخمة جدا من ناحية المزانية زي Metal Gear Solid.
أنا بفكر في حاجة اصغر, مش ناس كتير هتشتغل عليها, وتركيز هيبقى على صناعة اللعبة.
برضه في المقابلة, Kojima لمح, إن بالأضافة إلى اللعب, إن Kojima Productions ممكن يشتغلوا على أفلام, أو Animations وأي حاجة تانية. ولكن تركيزهم الحالي على اللعب.
التركيز حاليا على المحتوى الرقمي. أول ما يبقى عندنا IP ناجح في اللعب, حاجة قوية هترضي الناس, ممكن نعمل أفلام و فيديوهات.
في شوية حاجات مهمة تم ذكرها برضه في المقابلة زي إن الستوديو مش عارف هيستخدم أنهي محرك وده بسبب إن Fox Engine ملك لـKonami.
الـLogo الجديد تم تصميمه من Kojima أما عن الجمجمة/رأس الهيكل العظمي, فـ Kojima قال
إن احنا homo sapiens – أهل حكمة. ولكن برضه احنا homo ludens – ناس بتلعب و ديه الفكرة اللي ورا الـLogo بـ تكنولوجيا جديدة وروح رائدة هنقدر نقدم عالم جديد.
Kojima مرضاش انه يتكلم عن Konami نهائيا, ولكن وصف Sony إنها الشريك الممتاز للعبته القادمة. وقال التالي
أنا حاسس إن ديه بيئة هنقدر نعمل فيها حاجة ونبقى مرتاحين منها. و ديه البيئة اللي أنا محتاجها حاليا.
Kojima أكد انه مهتم بتطوير لعبة تشتغل على Virtual Reality, ولكن هو لسة مقررش أي حاجة.
