التحديث الضخم القادم لـNeed for Speed هينزل الأربع اللي هو بكرة ومعاه تصليحات كتير و اهم حاجة في التحديث هو Neon Lights !!
التحديث هيصلح مشاكل الـRubber-banding و مشاكل تانية في اللعبة.
الـRubber-Banding في لعب السباق هو إن مطوري اللعب بيزودوا قدرات الـCPU اللي إنت بتلعبه و تلاقي إن العربية بتاعته سرعتها فوق المفترض أصلا و Handling بتاع العربية بتاعته بقى سهل جدا. ظبط الموضوع ده بيبقى إن الـAI يديك روح منافسة ثابت على قد قدرت العربية الخاصة بيه و سواقتك إنت بقى.
Ken Block’s Hoonicorn و Morohoshi’ Lamborghini Diablo SV هينزلوا مع التحديث ده. و العربية الـLamborghini هي العربية الوحيدة حاليا اللي تقدر تستخدم الـNeon Lights عليها, وحسب Ghost Games فـNeon Lights لسة في مراحل تطوير مبدئية.
هيبقى في Community Events ممكن فيه تشوف الأحداث اللي بتحصل حاليا و هتحصل قدام. أول واحد هيبقى Performance Matters, ده هيبدأ بكرة مع التحديث, هيقدم 40% تخفيضات على كل Performance Upgrades.
هيبقى في تحديات يومية جديدة و Achievements/Trophies جديدة و Mirror Decals و Color Picker 2.0.
