شركه Square Enix في تقريرها الاخير عن لعبه Final Fantasy XV عرضت فيديو استعرض حاجات كتير في الجيم بلاي و عالم اللعبه و القصه و انطباعات مخرج اللعبه عن السلسله و شعور محبي اللعبة , العرض كان طبعا باللغه اليابانيه لكن موقع DualShockers عمل زي ملخص للفيديو و استعرض فيه النقاط المهمه بس الي قالها Hajime Tabata مخرج اللعبه.
لما اتكلم عن عالم اللعبه , قال المخرج Hajime Tabata ان العالم في لعبه FFXV مش عالم مفتوح من نوعيه انك تروح اي مكان في اي وقت و لاي سبب, لكن عالم اللعبه هيكون عباره عن مناطق واسعه جدا تقدر تستكشفها و تعمل فيها نشاطات مختلفه و علي مدار تقدم اللاعب في خط سيره فالقصه الاماكن الموجوده هتزيد فالعدد و هتتنوع اكتر فاكتر عشان تبقي شامله لكل البيئات تقريبا.
ووضح Tabata انك مش لازم تكون كويس في العاب الاكشن عشان تبقي كويس في FFXV لان اللعبه في اساسها و ده المسيطر عليها انها لعبه RPG رغم ان العروض الدعائيه ممكن تبين شويه انها لعبه اكشن و مغامره اكتر , و قال ان اللعبه هتوضح نظاما بالترتيب و هيبقي في صعوبات متعدده للناس الي بتحب المنافسه.
و قال برضو ان بطل اللعبه Noctis هيكون معاه 7 انواع اسلحه في Armiger Arsenal بتاعته و انه مش هيقدر يكشف عن الـ7 انواع حاليا لانهم كلهم مرتبطين بالـlore بتاع اللعبه و ممكن يسبب انه يكشف تفاصيل هتؤدي لحرق احداث اللعبه, و برضو اتقال فالفيديو ان استخدام الـAirship مش هيبقي سهل زي قبل كده لان الموضوع هيحتاج شويه خبره و تعود عشان تقدر تستخدمه , من حيث انك تقدر تطلع بيها في الهوا فده شيء سهل لكن الهبوط هيكون صعب جدا و لو حصل و اللاعب اصطدم جامد او بوظ العربيه اللاعب هيضطر انه يعيد لاخر نقطه وصلها قبل ما يطير بالعربيه, و برضو من المعلومات الي تم الكشف عنها ان اي نقطه هتخيم عندها في خط سيرك فاللعبه هتقدر تعملها Fast Travel و ترجعلها تاني حتي لو خلصت المنطقه.و من المعلومات الي اتقالت انك تقدر تدي الـChocobo بتاعك اكل عشان تزود سرعته و قدرته عالتحمل و ان العربيه بتاعتك فاللعبه تقدر انها تسبقه رغم ذلك.
في شهر ابريل الي فات Tabata قال انه لما اتولي مسؤاليه الاشراف عالمشروع اول حاجه طلبها هو انه يسأل عن شعور اللاعبين اليابانين فوجد ان هما بقوا بيبصو لسلسله Final Fantasy علي انها سلسله قديمه منتهيه و حاسين بالاحباط من نحيتها و بالرغم من ذلك الفانز فضلو يدعمو السلسله و حاطين املهم في Square Enix علي امل ان اللعبه ترجع لمجدها السابق
اللعبه معاد اصدارها المفروض في 30 سبتمبر القادم علي XB1 و PS4 و متحددش معاد اصدار لسه للـPC
