SK Productions News Center

تفاصيل جديدة عن قصة و Gameplay الجزء الجديد من God of War

God of War على PS4 بتوعد بتغير ضخم جدا في السلسلة. اللعبة حتى الآن مش هتستخدم زاوية الثابتة و هتشهد تغير ضخم جدا في Combat, وهتبقى مبنية على الاستكشاف أكتر, وايضا Kratos معتش الشخص العصبي دائما و في Rage Mode 24 ساعة ولسة رافعله 20 Redbull, ولكن بدلا عن كده هو شخص مستقر جدا.

ولكن مش عشان اللعبة غيرت الزاوية الخاصة بكاميرا و طريقة اللعب إن اللعبة هتخسر تركيزها على الـCombat الممتاز اللي السلسلة معروفة بيه. خلال حديث مخرج اللعبة Cory Barlog على Twitter كشف إن نظام الـCombat تحت تطوير شديد ومركز جدا. وأيضًا علم على ملحوظة وجود تعديلات للـCombos في رد على واحد من الجماهير.

اللعبة مش هتبقى برضه مبنية على Combat فقط – واحد من اكبر التغيرات في اللعبة هي إن الـminigames مش هترجع وديه كان حاجة الستوديو اتكلم عنها قبل كده. ولكن المرة ديه Barlog وضح أكتر عن الموضوع ده وكشف انهم تعبوا من فكرة Minigames ديه, وإن هم شغالين على حاجة أضخم بكتير. أيضًا أكد إن على الرغم من وجود ابن Kratos دايما في اللعبة معاك, إنت هتلعب بـKratos فقط, بس في بعض المرات هتتحكم بـ ابن Kratos.

على الرغم من كل التغيرات ديه, God of War مش هتسنى اصلها وجذورها وممكن تسترجع شخصيات من السلسلة الأصلية, بالذات اللي من عائلة Kratos زي Deimos, Zeus, Callisto, Ares و Athena.

اللعبة هتنزل حصريا على PlayStation 4 ومفيش موعد اصدار رسمي حاليا.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.