صرحت Square Enix الشركة المنتجة لعبة Nier : Automata انها هتقدم تجربة بصرية افضل بالطبع علي جهاز الـPS4 PRO. وتم توضيح المميزات الخاصة بتشغيل اللعبة عليه من خلال صور مقارنة بين النسختين بتدعم التصريحات دي بالإضافة لآخر بث مباشر اللي ظهر فيه معلومات عن امكانية عمل Crossover بينها وبين عناوين وألعاب تانية في المستقبل بدمج القصص وظهور شخصيات وابطال اللعبة فيهم.
والغريب في الأمر ان نسخة ال PS4 PRO هتشتغل علي دقة صورة1080×1920 بعكس نسخة ال PS4 العادية اللي هتشتغل علي رزليوشن 900×1600 وده طبعا عكس المتوقع واللي افترضه الجميع لكن محصلش ان اللعبة هتكون 4K NATIVE.
نسخة ال PS4 PRO هتحتوي علي Motion blur أفضل وتأثيرات بيئية محسنة كآشعة الشمس والاتربة والظلال. استوديو Platinum games صرح ان اللعبة علي ال PS4 PRO كتجربة هتتمتع بالسلاسة عن نظيرتها علي جهاز ال PS4 العادي في حين ان الكلام مش واضح فأي جانب بالظبط التجربة فيه هتكون احسن لكن يبدو ان الاستوديو يقصد من ناحية الـFPS والحد من هبوط مستوي الفريمات او قد يكون مجرد تصريح دعائي للتسويق لنسخة الـPS4 PRO وتشجيع المستهلكين علي شرائه.
لعبة Nier : Automata مقرر اصدارها لجهاز ال PS4 في شهر مارس القادم وفي انتظار الاعلان عن تاريخ اصدارها علي ال PC … والجزء دا تكملة للسلسلة اللي كانت في الاصل مأخوذة من سلسلة تانية تحت اسم Drakengard .. الجزء الاول من Nier كان بيتمتع بالغرابة لكن في نفس الوقت مثير للإعجاب ولذلك اللعبة منتظر منها النجاح وانها تقدم جديد وتعيد الاجواء الفريدة من نوعها اللي عاشوها كل اللي لعبوا الاجزاء القديمة.
