Sony اخيرا كشفت عن PlayStation 4 Neo أو اسمه الرسمي حاليا PlayStation 4 Pro.
Sony أكدت إن الجهاز هيساعد المطورين في الوصول لدقة عرض 4K. و الجهاز مش هيبقى بدل PS4 الأصلي ولكن الاتنين هيفضلوا موجودين وهيدعموا نفس اللعب.
الجهاز هيقدم CPU, GPU و Memory محسنة و أسرع. وأيضًا تم التأكيد إن الجهاز هيجي بـ1TB HDD. الجهاز هيدعم PS4 Controller القديم و الجديد.
Mark Cerny مهندس PlayStation طلع ووضح أكتر عن أمكانيات PS4 Pro و دعمه للـHDR و 4K, سرعة الـProcessor و إزاي الجهاز يقدر يشغل 1080p/60fps بكل بساطة.
المواصافات المسربة تم تأكيدها بالفعل و تم توضيحها من خلال الصورة دي :
لعب زي Watch Dogs 2, Horizon: Zero Dawn, For Honor, Rise of the Tomb Raider و Spider Man تم عرضهم وهم شغالين على 4K. أيضًا تم عرض البيئات الخاصة بـKilling FLoor وهي شغالة على PS4 Pro.
تم عرض مقارنة ما بين Days Gone هي شغالة على PS4 Pro على تلفاز عادي 1080p و تلفاز بيدعم HDR. تم أيضًا عرض The Last of Us للتأكيد على إزاي اللعبة شكلها بيبقى أحلى والـPS4 Pro شغال على HDR TV. لعب تانية أيضًا زي Uncharted 4 تم عرضها وهي شغالة على PS4 Pro.
أيضًا تم الكشف إن دعم الـHDR هيبقى متوفر على كل أنواع الـPS4 في تحديث هينزل الأسبوع القادم.
Call of Duty: Infinite Warfare و CoD Modern Warfare remaster هيدعموا PS4 Pro و هيبقى في تحديث تابع خدمة “forward compatibility” لـBlack Ops 3.
FIFA و Battlefield 1 و Mass Effect Andromeda هيدعموا PS4 Pro.
حتى لو معندكش HDR TV, اللعب هيبقى شكلها أحسن على PS4 Pro عن طريق رفع مستوى الـGraphics على دقق العرض القليلة.
المطورين لهم الحرية الكاملة في ظبط التجربة على النوع التلفزيون المستخدم.
مثال على كده, تم عرض لعب زي Paragon و Shadow of Mordor و إزاي اللعب شكلها افضل و محسن على 1080p TV و PS4 Pro. التقنية ديه اسمها Forward Compatibility و هتبقى عبارة عن تحديثات هتنزل للـ لعب القديم عشان تستغل قوة PS4 Pro.
Cerny أيضًا لمح إن الجهاز مش هيشغل كل اللعب على Native 4K بل الجهاز هيستخدم تقنيات خاصة برفع دقة العرض و anti-aliasing عشان يتم عرض اللعبة على دقة عرض أعلى.
لعب PlayStation VR القادمة هتستغل قوة PS4 Pro. عناصر زي الـPixel Count و تفاصيل عالم اللعبة هتبقى أعلى و محسنة بكتير.
الجهاز هينزل 10 نوفمبر القادم و هيبقى بـ$399/£349.
Introducing the super-charged #PS4PRO, delivering the sharpest gaming experiences ever seen. #PlayStationMeeting pic.twitter.com/qnDuTFcbwH
— PlayStation Europe (@PlayStationEU) September 7, 2016
