Omen of Sorrow
هي لعبة قتالية من تطوير AOne Games هتنزل في 2017 متواجد فيها 12 شخصية مبنين علي قصص رعب من مصاصين دماء و مستذئبين و بتحاول ان يكون من خلالها تجربة تنافسية بشكل كبير.
Fallen Legion
اللعبة هيتم اصدارها للـPlaystation Vita و Playstation 4 في النصف الاول من 2017 و مطورة من YummyYummyTummy. اللعبة فكرتها مساعدة اميرة لانها تكون امبراطورة مملكة مدمرة و الجيمبلاي اسلوبه بشكل كامل Turn Based.
Vane
معاد اصدارها في 2017 و مطورة من Friend & Foe Games و هي لعبة مغامرات قايمة علي استكشاف اسرار عالم مدفون تحت رمال متحركة.
Hand of Fate 2
اللعبة بتيجي طبعا كجزء تاني للعبة تم اصدارها في 2015 و هي بتحاول تقدم تجربة اشبه بالعاب الكروت لكن المرة دي بشكل مختلف و ثلاثي الابعاد
Games of Glory
هي لعبة top-down shooter تعاونية من تطوير Lightbulb Crew و فيها بعض العناصر المختلطة بين العاب الـMOBA و الـShooters و هيتم اصدارها في 2017
Strafe
هي لعبة Shooter متأثرة بفترة التسعينات و فيها بعض عناصر الـRPG و مراحل بيتم انتاجها بشكل عشوائي و بشكل عام هي بتحاول تقدم تجربه اشبه بـDiablo.
Ys Origin
هي لعبة تعتبر احداثها قبل احداث سلسلة Ys بشكل عام و قبل احداث Ys I: Ancient Ys Vanished بحوالي 700 سنة. اللعبة هتتقدم بشكل اقرب لشكلها الاصلي و هتنزل يوم 21 فبراير علي Playstation 4 و Vita.
Rain World
لعبة اساسها البقاء علي قيد الحياة و موعود من خلالها تقديم ذكاء اصطناعي لاعدائك بمستوي عدائي و صعب و من خلالها انت بتحاول انك تصطاد غذائك او انك تصبح فريسة لوحوش مفترسة اعلي منك. اللعبة من تطوير Videocult و نشر Adult Swim Games و هتنزل في 2017.
Dreadnought
هي لعبة تنافسية بشكل اساسي 5 اشخاص ضد 5 باستخدام سفن حربية فضائية ضخمة, اللعبة معلن عنها من 2015 و من المحتمل اصدار Beta ليها علي الـPlaystation 4 في 2017.
Absolver
لعبة من تطوير Devolver Digital و هي لعبة قتالية و تنافسية معتمدة علي فنون قتالية بشكل كامل
Full Throttle Remastered
كما هو واضح من الاسم هي فعلا Remaster للعبة Full Throttle اللي نزلت سنة 1995 و اعلن عنها Tim Schafer بنفسه. اعادة اصدار اللعبة هيتم من خلال اعادة تصميم الشكل العام للعبة بدقة اعلي و رسوميات 3D و اعادة تصميم الاصوات و الموسيقي. و اللعبة هيكون من خلالها امكانية التبديل بين الشكل القديم و الجديد منها و هي من المفرض تنزل في 2017.
