Crytek كشفت عن لعبة للـPlayStation VR, تحت التطوير حاليا واللعبة اسمها Robinson: The Journey.
حسب Crytek, اللاعبين هيلعبوا بولد صغير, الولد ده هيعمل حادثة وهيهبط على كوكب. اللاعبين هيستكشفوا بيئة الكوكبx ده, يتفاعلوا معاه و يوصلوا لأسرار رائعة عنه.
منتج اللعبة Elijah Freeman قال إن شغل الستوديو السابق على ديموهات خاصة بـVirtual Reality زي Dinosaur Island 1 و 2 هو الالهام الرئيسي للعبة ديه.
أول الديموهات ديه وضعت اللاعب في دور ثابت شوية كـ ديناصور ضخم و مع الوقت التجربة دي بتبدأ إنها توسع و استكشاف اللاعب بيزيد. كثير من ردود الفعل اللي جاتلنا أيام ديموهات ديه كان عن إزاي البيئة الخاصة بيهم كانت حقيقة وجميلة جدا, وإزاي احساس الواقعية بتاعها من ضوء, وخضرة, و الشجر و ديناصورات كان رائع.
Robinson: The Journey هي عبارة عن اعادة صنع المستوى ده من الجمال و الواقعية ولكن على نطاق أضخم وأوسع بكتير من أي حاجة احنا عملناها قبل كده. ده مش معناه حاجة بـGraphics خارقة مثلا, لأ بل عبارة عن قصة ممتازة و تتفاعل مع مشاعرك وبتكمل مع اللاعب برة عالم اللعبة.
اللعبة ملهاش موعد اصدار لسة.
