Sony نزلت فيديو جديد بتشرح فيه إزاي Share Play *الميزة الجديدة اللي هتنزل في تحديث القادم 2.0* هتشتغل.
Sony بتوصف الموضوع كأنه “كنبة افتراضية” بتسمح للاعب انه يعمل جلسة online local co-op كده مودتها ساعة ويدعو صاحبه حتى لو مش معاه اللعبة, ممكن يلعبها معاك لمدة ساعة.
و Sony أكدت إن حتى الآن مفيش أي حدود لعدد الجلسات اللي تقدر تعملها.
امكانيات Share Play كالتالي:
- Share Screen:
شارك شاشتك مع صاحبك, وبكدة تخليه يتفرج عليك وإنت بتلعب. الموضوع ده ممتاز للعندهم PS4 وعايزين يتفرجوا على صحابهم بيلعبوا لعبة ويساعد صحبه كمان. PlayStation Plus مش هتحتاجه في الامكانية ديه.
- Hand over my controller:
إدي Joystick/Controller/ايد التحكم بتاعتك لصاحبك, افتراضيا, واتفرج عليه وهو بيلعب. صاحبك مش محتاج يبقى عنده اللعبة أو حتى ينزلها عشان يقدر يستخدم الامكانية ديه. الموضوع ده ممتاز للعايز يعرف صاحبه على لعبة جديدة, أو صاحبه يساعده ويعديله جزء صعب من لعبة. لو أنت الـHost فـ هتحتاج PlayStation Plusأما الـGuest اللي هو في الحالة ديه صحبك مش هيحتاج PS+.
- Hand over another controller:
لو اللعبة بتدعم Local Multiplayer, ممكن تخلي صاحبك يخش كـPlayer Two. صاحبك برضه مش محتاج يبقى معاه اللعبة, أو ينزلها عشان يقدر يستخدم الامكانية ديه. Host و Guest هيحتاجوا PlayStation Plus.
ميزات كتير تانية نازلة في تحديث 2.0 الجديد المسمى بـMasamune هتلاقي هنا.
