اعلنت سوني عن فرد جديد من عائلة سماعاتها تحت اسم Platinum Wireless headset السماعة بطبيعة الحال لاسلكية وبتقدم صوت محيطي في اقصي وافضل تقنياته Virtual 7.1 Surround Sound.
السماعة مقرر اصدارها في 12 يناير القادم بسعر 160 دولار / 128 يورو وهيكون فيها ميكروفون موجود في الجسم الداخلي وبيتمتع بتقنية ال Noise-Cancelling. ودي تقنية بتعمل علي محو الضوضاء اللي حواليك بحيث متزعجش اللي بتكلمهم ،،، بالنسبة للصوت المحيطي بيستخدم نفس التقنية الموجودة في العاب ال PS VR لكن في حالة شرائك للسماعة مش هتحتاج ال Breakout box بطبيعة الحال.
الألعاب الداعمة للتقنيات الموجودة في السماعة منها MLB THE SHOW 17, DAYS GONE, UNCHARTED THE LOST LEGACY وهيتم اصدار باتش للعبة Uncharted 4 لدعم التقنية في اول يناير وهتكون اول لعبة تدعم التقنية.
وتسويقا للسماعة سوني اصدرت فيديو استضافت فيه بعض المطورين من استوديو Naughty dog بيتكلموا فيه عن التقنية ودعمها مع الباتش القادم للعبة Uncharted 4 في يناير القادم.
