SK Productions News Center

Sony ممكن تنزل PS4 Slim بالاضافة إلى PS4 Neo

حسب محلل اقتصادي, Sony ممكن تبقى شغالة على PS4 Slim. على الرغم من تطوير PS4 Neo.

Damian Thong وهو محلل اقتصادي كان بيتحدث مع Wall Street Journal و قال إن الشركة ممكن تقدم جهاز ارفع و اخف من PS4 الحالي, و يكشفوا عنه خلال Game Show في سبتمبر.

Sony لم تعلق على الأخبار ديه, و التقرير مش موضح هل Thong كان بـ يتوقع ولا ليه مصدر عرف منه.

هو بشكل عام شيء منطقي جدا إن يبقى فيه PS4 Slim كنوع من الرد على الـXbox One S.

الكشف عن الجهاز خلال سبتمبر, هو حاجة احنا بنسمعها بقالنا فترة عن الـPS4 Neo و لو فعلا في PS4 Slim ممكن يظهر أيضًا خلال نفس المؤتمر ده. المؤتمر اللي في سبتمبر هو Tokyo Game Show و Sony في معظم الاوقات بتبقى معاها مفاجآت هناك. أيضًا التوقعات والاشاعات الحالية هي إن PS4 Neo هينزل في أكتوبر القادم.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.