SK Productions News Center

Assassin’s Creed Unity هتشتغل على 1080p/60fps على PS4 و Xbox One

أيوه زي ما مكتوب كده AC Unity هتشتغل 1080p/60fps على PS4 و Xbox One, وطبعا المفاجأة مش إن PS4 هيقدر يشغلها على كده, المفاجأة إن Xbox One هو اللي هيقدر يشغلها على كده.

و الكشف عن كده المصمم Bruno St-André في مقابلة مع Gamingbolt كانت في E3 و Gamingbolt نزلوها النهاردة. وحسب التقرير ده St-André قال في الاول انه مش متأكد عن الـFrame rate و الـResolution. وبعد كده أكد التفاصيل ديه بذات نفسه.

السنة الفاتت Black Flag كانت شغالة على 1080p بعد تحديث كان نزلها على PlayStation 4. و نسخة الـXbox One كانت اقل.
و في فرق واضح بين Unity و Black Flag وإن Unity أعلى طبعا. بس الفرق هنا إن مفيش تطوير على أجهزة الجيل السابق زي Xbox 360 أو PlayStation 3.

Assassin’s Creed Unity هتنزل في 28 أكتوبر على PS4, Xbox One, و PC. و Ubiosft اقترحت بشدة إن في حاجة لأجهزة الجيل السابق. ولكن Ubisoft ما اعلنتش عن كده بشكل رسمي إن هيبقى في حاجة السنة دي على أجهزة الجيل السابق.

حاليا لعب متعددة الأجهزة كتير زي Battlefield 4 و Call of Duty: Ghosts شغالة على Resolution أعلى على PS4. ولكن واضح كده إن تحديث المطورين اللي نزل للـXbox One هيفرق جامد.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.