SK Productions News Center

اشاعة – لعبة جديدة تحت التطوير من Sucker Punch هيكشف عنها في E3 2017

Shinobi602 المعروف عنه التسريبات الخاصة بصناعة الالعاب و اللي ليها نسبة عالية من الصحة قال من خلال منتديات NeoGAF ان المطور Sucker Punch اللي قدم سلسلة Infamous الحصرية للـPlaystation, في الوقت الحالي بيطوروا لعبة عالم مفتوح جديدة و Sony بتحث كل المطورين عنها في الوقت الحالي علي تطوير مشاريع العاب جديدة تماما غير اجزاء جديدة من سلاسل حالية و دا حصل مع لعبة زي Horizon او اعادة استكشاف بعض السلاسل بمنظور جديد زي God of War.

جدير بالذكر ان Shinobi602 اتكلم عن التسريب دا بالتحديد كمقارنة لوضع تطوير الالعاب الحصرية في Sony و Microsoft بحيث انه وصف ان وضع Microsoft الحالي مثير جدا للريبة و في بالفعل مشاكل بتمر بيها العاب الطرف الاول منهم و عدم وجود مشاريع جديدة و مختلفة زي لعبتهم الملغية Scalebound و الوضع من الممكن يتطور لان العابهم هتكون عبارة عن تكرار لنفس وضع الـXbox 360 بأصدار اجزاء جديدة من Gears of War و Halo و Forza