SK Productions News Center

التأكيد علي عدم تأجيل The Last Guardian و Gran Turismo Sport للبلاي ستيشن 4

من خلال المقابلة اللي حصلت مع Philippe Cardon مدير Playstation Europe و اللي اتكلم عن الـPS4 NEO ممكن تعرفوا تعليقه من هنا, هو اتكلم عن بعض حصريات البلاي ستيشن 4 اللي هتنزل في خلال 2016.

Cardon قال ان 2016 هتكون سنة يتم من خلالها اصدار العاب جديدة و هتبقي سنة نمو للجيل التامن من المنصات, و المفروض 2015 كانت تبقي السنة اللي يوصل من خلالها الجيل دا لاعلي مستوي و يليه حالة توازن لكن في امكانية من خلال 2016 للنهوض اكتر بمستوي الالعاب اللي بيتم تطويرها. و استعان في كلامه بالعاب زي Uncharted 4: A Thief’s End و The Last Guardian و Gran Turismo Sport و اصدار الـPlaystation VR.

يمكن تكون The Last Guardian تحديدا من اكتر الالعاب اللي اتأجلت بين جيلين المنصات و ظهورها في E3 اللي فات كان حدث مهم جدا لناس انتظرو اخبار جديدة عنها لفترة طويلة و كان في تأكيد علي اصدارها في 2016, لكن مع سكوت سوني و عدم وجود اي دعاية للعبة دفع ناس كتير للشك ان اللعبة ممكن تتعرض للتأجيل.