SK Productions News Center

تأجيل Uncharted 4 للمرة التانية لمدة شهر

Uncharted 4 اتعرضت للتأجيل للاسف الشديد للمرة التانية في خلال الفترة اللي فاتت. اللعبة المفروض كانت هتنزل في شهر مارس 2016 لكنها للاسف مع المعاد الجديد هتنزل في يوم 26 ابريل.

من خلال المدونة الخاصة بـPlaystation تم التأكيد علي تأجيل اللعبة من خلال التأكيد علي ان اللعبة بشكلها الحالي وصلت للرؤية اللي بيطمح ليها المطور و هتكون فصل اخير ممتاز في قصة Nathan Drake لكن للاسف هما محتاجين وقت انهم يتأكدوا ان بعض المراحل هتخرج في الاخر بشكل خالي من المشاكل و التأكد من تنفيذ كل الاختيارات المتاحة في ايديهم قبل تقديم النسخة الاخيرة من اللعبة لطبعها و نشرها في الاسواق.