Game Mode جديد و تعاونى بأسم Survival تم الكشف عنه الشهر دة للعبة Uncharted 4 , مود الـsurvival عبارة عن waves او موجات من الاعداء مطلوب منك بالتعاون مع اتنين من اصدقائك انك تقضى عليهم و دة الى شرحوا فريق Naughty Dog فى المدونة الخاصة بيهم
اى حد لعب طور اللعب التعاونى فى uncharted 2 او 3 مش هيحس بفرق كبير مع تحسينات كبيرة فى طريقة اللعب و التجربة العامة و و مستويات لعب فيها عمق اكبر و تحدى و تنوع من انواع جديدة من الاعداء و bosses مختلفين و نظام تسليح و تحديث مختلف , طور اللعب التعاونى survival قائم بشكل اساسى على التخطيط. الطور التعاونى هيكون عبارة عن 10 خرائط لاجمالى 50 wave بعد كل 10 موجات بيكون فى boss و بيكون مستواه اقوى بكتير من الاعداء العاديين .
عشان تكسب الwaves هتكون ملزم بانك تحمى منطقة معينة او تقتل عدو معين او تجمع كنوز فى وقت محدد , بعد ما تخلص المطلوب منك بتنتقل لقسم التحديث و هتقدر تصرف الفلوس الى جمعتها و تشترى بيها اسلحة و تحديثات جديدة بالاضافة الى نظام مخصص لتقدم مستواك فى اللعب و تحديثات بتيجى مع تقدمك فى الranks بالاضافة الى حصولك على item معينة تقدر تستخدمها فى التحديث سواء على مستوى طور اللعب التعاونى او الmaltiplayer
طور اللعب التعاونى surivial هيكون متاح للعب فى مؤتمر playstation experiense الاسبوع الجاى و هتصدر بشكل رسمى فى منتصف ديسمبر القادم .
