SK Productions News Center

مراجعة WWE 2K16

اللعبة للاسف فيها نقص كتير لحاجات كانت موجودة على أجهزة الجيل السابق, و ده زي ما قولت يرجع للجدول الزمني و مواعيد الاصدار الضيقة جدا بتاعت الألعاب الرياضية. ولكن عكس لعب كتير ديه بداية كويسة نوعا ماعلى الجيل الجديد, و احنا ممكن نقول إن WWE 2K16 القادمة هتبقى هي اللعبة اللي فيها كل حاجة احنا عايزين نشوفها في لعبة مصارعة.

السنة اللي فاتت أنا قولت كده في مراجعة 2K15, إن في 2K16 هتبقى فعلا اللعبة اللي فيها كل حاجة احنا عايزين نشوفها في لعبة مصارعة, لأن أساس اللعبة شكله مبشر جدا. هل توقعي تحقق؟

في 2K15 المشاكل كانت كتير وكان في كوارث في Gameplay ونقص في Game Modes وكل ده يرجع بسبب إن اللعبة كان لسة بيتم تطويرها على الجيل السابق وإن كمان بسبب الجدول الزمني لتطوير الألعاب الرياضية ضيق جدا. هل تم حل مشاكل كتير من اللعبة وتحسينها في 2K16؟ الاجابة بكل صدق آه تم فعلا تحسين اللعبة واستعادة حاجات كتير كانت ناقصة, الحاجات ديه كانت متوفرة أصلا على الجيل السابق فـ غيابها على الجيل الحالي كان مزعج جدا.

 على عكس معظم المراجعات أنا هبدأ بعرض اللعبة قبل Gameplay.

2K16 بتقدم افضل عرض إتعمل في تاريخ السلسلة, من ناحية الأصوات و الـVisuals. الأصوات كلها جيد جدا ولكن للاسف صوت المعلقين زي كل سنة بنشوف فيه تحسن بسيط جدا و لكن مشاكله الأساسية بتفضل موجودة زي إن المعلق ممكن يكون بيقول حاجة إنت عملتها من نص دقيقة مثلا, لما بيتكلموا عن حاجة خارج نص المباراة بتبقى بنسبة 75% ملهاش علاقة باللي بيحصل أصلا *زي معلقين الدوري المصري كده* على عكس لعب رياضية كتير الخروج عن النص اللي بيحصل بيبقى ليه علاقة بواحد من الفريقين أو حد من اللاعبين وهكذا.

نتكلم في Visuals وطريقة عرض الملاعب, اخيراااااااا التفاصيل اللي موجودة بقالها سنتين و تلاتة في المصارعة موجودة في اللعبة, زي الطاولة الخاصة بالمعلقين, بقوا اتنين زي الحقيقة, الـRing Announcers بقوا موجودين في Ring Side و بقوا ثلاثة معلقين مش اتنين, الـStage Entrance اللي منطقة اللي هي بداية الـRamp *المنحدر* بقت اعرض, الجزء اللي فات كانت عريضة عن باقي الاجزاء ولكن في جزء ده بقت اعرض شوية وكمان بقى ليها كاميرا مخصوص اللعبة هتنقل عليها و صراحة منظر هناك حلو جدا و مش ضيق خالص و ممكن تلعب مباراة مع اللي بتلاعبه هناك أصلا. الملاعب لتاني مرة و مرة ديه افضل من سنة اللي فاتت, تبقى مفصلة زي باقي اللعب الرياضية, يعني ملعب زي Wrestlemania 31 معمول زي بتاع السنة اللي فاتت, وصراحة أنا شايف إن ده كان شغل مفروض يتعمل من زمان جدا, لأن لعب رياضية اضخم من مصارعة كانت بتقدم كده أصلا, ولكن أهِي موجودة اخيرا.

المصارعين شكلهم محسن عن السنة اللي فاتت, الأجساد شكلها كويس جدا و أقرب للواقع في بعض المصارعين القدام اللي متعملهمش Facial Capture شكلهم للاسف سيء و كان ممكن يبقوا أحسن من كده بكتير. في دخلات معمولة بأمتياز و دخلات اخرى معمولة كأن اللعبة كانت نزلة على الجيل السابق عدم ثبات الجودة اللي موجود ما بين 120 شخصية ده شيء سيء جدا ولازم يتحسن, وأنا شايف إن بداية التحسين بـ أن كفاية تطوير اللعبة ديه على الجيل السابق لأن كل سنة بيتم قطع حاجات زيادة أصلا.

نتكلم في المهم بقى الـGAMEPLAY

ميزة WWE كـ لعبة مصارعة هي إنها مش لازم تبقى طبق الاصل من الحقيقة من ناحية Gameplay لأن مصارعة في حد ذاتها مش حقيقة وهي عبارة عن عرض ترفيهي, و ديه الفكرة إن اللي كان مخلي Here Comes the Pain اعظم لعبة مصارعة حتى الآن هي النقطة ديه إن ساعتها عرفوا يكسروا الخط الرفيع قوي بين إن ديه لعبة رياضية مبنية على عرض ترفيهي و من بعدها اللعبة اتجهت للمحاكة بزيادة عن اللزوم, أنا مش بقول إن اللعبة لازم تبقى All-Stars مثلا لالا ولكن تقديم الفكرة و إزاي تخلي الموضوع تكتيكي و واقعي وممتع, و اخيرا 2K16 بترجع للأصل ده اللي كان اتبنى عليه Here Comes the Pain.

في جزء ده في نظام الصد الجديد وهو نظام محدود لعدد الصدات اللي ممكن تعملها و لما بتخلص بتجدد مع الوقت و ده مع نظام الـStamina اللي تم تقديمه السنة اللي فاتت, بيخلي اللعبة تعتمد على تكتيك و استراتيجية خاصة بيك عشان تحافظ وتوزع مصادرك صح و إنك ممكن تسمح لنفسك إنك تاخد كام ضربة عشان تبني الحاجات اللي معاك وتعمل Comeback محترم طبعا ده برضه بيعتمد على المصارع اللي بتلعب بيه في مصارعين بيبقى عندهم 5 Slots وفيه عندهم 4 Slots مثلا. كلنا عارفين إن نظام الصد على مدار آخر كام سنة كان Overpowered شوية عشان كده فكرة Visual Concept في انه يبقى محدود وبيتملى مع الوقت هي فكرة مرحب بيها جدا لانها بتقدم الـPerfect Balance اللي احنا بندور عليه, في أي لعبة مصارعة و في العروض الحقيقة كمان ممكن إنك بس تصد ضربة واحدة تقلب ماتش إنت كنت خلاص هتخسره وتقوم قالب كل موازين الماتش وتكسب إنت.

صراحة لأول مرة في لعبة مصارعة اعتمد على الـManager بتاعي لو موجود أو إني اهرب من الحلبة لو موضوع بقى صعب لأن كل ده بيفيد فكرة إني اعيد شحن اللاعب بتاعي و Working Holds هي اضافة ممتازة و قريبة جدا للي بنشوفه في المباريات.

اللعبة بقت مش عبارة عن Button Mashing زي زمان وتدمير Controllers بالعكس انظمة الـMini Games اللي موجودة في اللعبة هي ممتازة. الـPin-fall و الـSubmissions تم تغيرهم و بقوا أحسن بكتير وبالذات Submissions اللي بتبقى مسلية ومضحكة جدا في بعض اللحظات, و Chain Grappling لسة متوفر و مازال جيد جدا.

داخل الحلبة اللعبة بقت سلسلة جدا, نظام الالتحام بقى محسن و مش تحس ساعات انه Random زي زمان و بتشيل الهوا و الحركة تقيلة بالعكس الحركة هنا بتحسها سلسلة جدا و فعلا بتختلف أكتر من شخصية لشخصية بمعنى لو لعبت بشخصية زي Andrea The Giant هتحس بتقله على عكس حد زي Sin Cara مثلا و خفته في الحركة. الحاجات اللي كانت بطلع عين الواحد زي ان المصارع فجأة ميرضاش انه يطلع الحلبة أو انه يجيب حاجة من تحت معتش بتحصل زي زمان ولكن لما بتيجي تـTag  للاسف موضوع بقى ارخم من الأجزاء اللي فاتت.

طبعا عدد المصارعين في اللعبة هو الأضخم في تاريخ السلسلة ده من غير احتساب لبس المصارعين ونسخهم المتعددة في الـAttitude Era, طبعا وكالعادة في نقص في Divas ولكن ديه حاجة هتتعدل مع الجزء اللي جي بنسبة كبيرة, اهم حاجة في Roster المرة ديه هو حضور NXT القوي جدا.

اللعبة جوه المباراة سلسلة جدا ومعتش في تحميل ما بين كل دخلة ودخلة ولكن الأمر بقى زي العرض اللي بتشوفه, Seamless, المصارع الاول بيخش و بعد كده الكاميرا تجيب على الجماهير و يخش المصارع التاني وهكذا, ولكن اوقات التحميل العامة ما بين كل Mode و Mode و إنك تعرض حاجة في Creation Suite هو وقت طويل جدا على لعبة زي WWE صراحة وديه مشكلة من أول جزء في السلسلة لحد دلوقتي ولم يتم حلها.

الـOnline الخاص باللعبة بياخد وقت كبير جدا عقبال ما يلاقي Game وللاسف في Lag….

Gamemods وهي كانت اكبر مشكلة مع نسخة السنة اللي فاتت وغيابات كتير جدا لـModes مفضلة لأي حد بيحب مصارعة. Modes كتير رجعت ولكن مازال في غيابات من الحاجات اللي كانت ممتعة زمان زي Inferno Match و قدرة إنك تعدل على قوانين المباراة و الأسلحة المتوفرة, للاسف غياب الحاجات دي ما زال مؤثر, و فين 8man match؟؟ فييييييين!!؟؟ أنا مش متخيل إن بعد جزئين على الجيل الحالي ومفيش 8-man match حتى الآن, اللعبة فعلا لازم يتم وقف تطويرها على الجيل السابق عشان تبدأ تشم نفسها أكتر على الجيل الحالي وتستفيد منه أكتر.

الـCreation Suite وهي كانت الحاجة الحلوة جدا في الجزء اللي فات رجعت ومعاها Create a Title, Create a Show, وصراحة الموضوع ما زال ممتاز و ممتع جدا و Community Creations فيها حاجات فعلا فوق الرائعة. *في انتظار Create a Story*

MyCareer تم تحسينها بشكل جيد جدا وتخلصت من عناصر مملة كتير كانت موجودة في الجزء اللي فات والـMode تحس انه بقى Rewarding عن السنة اللي فاتت اللي كنت تعود تـGrind ومفيش أي حاجة بتحصل. MyCareer السنة ديه بقى امتع وفي حرية أكتر بكتير عن الجزء اللي فات.

2K Showcase سنة ديه رائع! ومعمول بجودة رائعة جدا وفعلا بتقدم الهدف المطلوب منها بطريقة ممتازة و Jim Ross و Jerry Lawler أعادوا تسجيل تعلقيهم على مباريات Austin الضخمة هو شيء فوق الممتاز ده حتى Joey Styles رجع عشان يعيد تسجيل مباراة كانت في ECW.

 WWE 2K16 صراحة هي اللعبة اللي أقدر اقول عليها الجزء التاني لـHere Comes the Pain و تفوقت على WWE SvR 2011 بالنسبة ليَّ. اعتماد اللعبة على التكتيك و الستراتيجية وإنها تديك احساس ممتاز و قريب جدا للمباريات اللي بتحصل في الحقيقة هو شيء فوق الرائع. الـMini Games مازالت بتثبت إن وجودها كان لازم عشان اللعبة تبقى Balanced وممتعة جدا.

must play

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.