SK Productions News Center

مراجعة WWE 2K17

مع بداية الجيل الحالي, و 2K شغالة على تحسين سلسلة WWE و جعل اللعبة تكتيكية أكتر وعبارة عن Simulation لمباراة مصارعة وبسبب كده ولتاني مرة سرعة اللعبة تم تحديدها تاني واللعبة سرعتها أبطأ من 2K16, ومجددا كل ده من أجل تحقيق هدف الاستحواذ على روح المصارعة الحقيقي حاجة 2K17 قدرت تعملها بامتياز لدرجة إن الواحد ممكن يتسائل هل كان لازم إن سرعة اللعبة تقل تاني؟

صراحة آه, الاحساس بكل حركة بقى أعلى بكتير وللسنة التانية على التوالي على عكس أي لعبة قبل 2K16 و 17 كل حركة/ضربة تقدر تحس بتأثيرها على اللاعبين. أكتر حاجة بتميز شغل Visual Concepts و Yukes مع بعض خلال السنين اللي فاتوا هو اضافة تكتيك وستراتيجية لعالم لعب المصارعة الحرة, في كل ماتش الواحد بقى ملزم يخطط لكل حاجة هيعملها قدام عشان في Stamina ونظام الصد المحدود المؤثر جدا على قرارتك و يحسن Timing بتاعه على قد ما يقدر. كل ده بيتحسن جدا في 2K17 بسبب تحسينات وتعديلات متعددة كانت ناقصة في 16.

 تحسينات لنظام الصد و تقديم نظام جديد للـSubmission بالاضافة للنظام اللي كان متوفر العام الماضي بيحسنوا Gameplay بشدة واضافة الـ”Roll out” اللي بيخليك تسيب الحلبة بعد استقبال ضرر كبير و تستريح لحد ما تملي Stamina بما فيه الكفاية وترجع تشارك في المباراة بيقرب اللعبة جدا للحقيقة و زي ما قولت بيضيف خط جديد لستراتيجية في اللعبة كل ده بيغير حاجة كانت كارثية جدا في لعب WWE وهي المباريات اللي بيبقى فيها أكتر من اتنين, زمان كانت دايما عبارة عن مبارايات زحمة جدا و بتبقى مليانة توتر بسبب إنك بتضرب حد تلاقي نفسك بتضرب الهوا بسبب الـTargeting System و تعمل Attack معين يتم الغاءه بسبب إن لاعب تاني قرر انه يتدخل بشكل عشوائي; الموضوع كله كان ساعات بيسبب زهق وبيبقى سبب إن الواحد ميلعبش Multi تاني. السنة ديه تغيرات خفيفة جدا بتنقل المباريات ديه نقلة 180 درجةعن طريق تحسين لنظام الـTargeting و جعل الـManual Targeting هو النظام الأساسي و سرعة التغير في الـTargets. وأيضًا نظام Roll out بيفرق جدا هنا: زي ما بنشوف في الحقيقة خلال أي ماتش Triple Threat, Fatal 4-way أو حتى 8-man ladder match الموضوع مش بيبقى إن كله في الحلبة نازل في التاني, لأ بيبقى دائما في حد تعبان من كمية الضرب و بيبقى برة للراحة و جمع الـStamina عشان يرجع يشارك. بسبب النظام ده, المباريات ديه تحسنت جدا و الفوضى قلت بشدة و بقت قريبة جدا للي بنشوفه في الحقيقة.

 واحدة من أكتر الاضافات المسلية هي عودة backstage brawl ولكن بشكل Dynamic زي لعب المصارعة القديمة. دلوقتي تقدر إنك اخيرا تحارب وسط الجماهير و في غرف تغير الملابس و المكاتب و لو بتلعب Falls Counts anywhere الموضوع بيفضل شغال والحكم بيكمل معاك مهما كنتم بتلعبوا فين.

2K كانوا كشفه إن السنة ديه مش هيبقى في Showcase mode بسبب إن الستوديو عايز يركز على myCareer و Universe mode بالاضافة لـPromo Engine من أجل ارضاء الجماهير.

خلال الثلاثة سنين الماضيين Showcase mode كان أكتر حاجة مسلية في WWE, والسنة ديه البديل هو myCareer, حاجة للاسف متقدرش تبقى بديل خالص للـStory mode الخاص باللعب WWE بسبب إنها حاجة بتطلب Grinding كتير و صبر كبير على عكس Showcase اللي إنت بتلعب فيها قصة معينة بمدة معينة بتفاصيل معينة.  MyCareer كـMode مش بالسيء ولكن بيحتاج Grinding كتير قوي و تعيد وتزيد في كذا حاجة عشان توصل لأخر حاجة في Mode و آه تقديم تحسينات للـMode هو شيء كويس جدا ولكن ده مش بديل لـShowcase بـ أي شكل من الأشكال.

myCareer السنة ديه بتشهد اضافة ضخمة مسلية وهي الـPromos, خلالها إنت بتشكل شخصيتك كـFace ولا Heel وتضيف شخصية وروح لـMyCareer ولكن للأسف ضعف الـdialogue و مشاهدة الشخصية الخاصة بيك و هي بتحرك شفتها بس عقبال ما Text يخلص بيدي احساس إن الواحد بيلعب لعبة من جيل الـPS2 مش لعبة في 2016. أنا مقدر محاولة اضافة روح للـMode من الستوديو ولكن كان نفسي تبقى بشكل قوي مش ضعيف. أيضًا اضافة Paul Heyman بصوته للاسف مش قوية جدا على عكس قدرة Heyman الرائعة على الـMic ولكن هنا الموضوع أيضًا ضعيف بسبب ضعف الـMode بشكل عام و إنك تبقى Paul Heyman guy ديه حاجة بتضيف شوية Objectives زيادة فقط لا غير.

بالأضافة للتعليق السيء جدا كلعادة, في Modes كتير مازالت ناقصة والموضوع ده مستفز احنا بقالنا أكتر من 3 سنين على الجيل الحالي والموضوع في الأول كان بسبب التنقل للجيل الجديد ساعتها وهكذا ولكن إيه الحجة دلوقتي؟yegy-menaha-copy

الاضافة الممتازة العام ده هي التحسينات والتوسع في الـCreation Suite عن طريق اضافة Tools جديدة لصناعة فيديوهات الـTitantron و رسم الوش و Animations جديدة الموضوع كله بيساعد الـCreators على تقديم عالم جديد لـWWE 2K17 زي ما عملوا في 2K16.

بشكل عام WWE 2K17 لم تقدم أي نوع من التغيرات الضخمة, الموضوع كله عبارة عن تحسينات و مازال في ضعف في كذا نقطة ولكن أيضًا التحسينات المقدمة في Gameplay والـCreation Suite ممكن تغضي الواحد عن النقص البشع في Modes وغياب Showcase mode أيضًا السنة ديه.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.