من فترة كان تم الاعلان عن ان لعبة Clock Tower هيكون ليها خليفة باسم مختلف و كان اسم المشروع Project Scissor.
لكن اسم اللعبة النهائي تم الاعلان عنه و هو Night Cry , اللعبة بالطبع هتكون لعبة رعب و بتحصل علي سفينة مفقودة و بتحصل عليها جرايم مرعبة و دموية.
دورك في اللعبة التحقيق في الجرايم دي و كشف القاتل و حماية نفسك و الركاب اللي علي السفينة.
اللعبة هتنزل المفروض لاجهزة iOS و Android و الـPS Vita و نزلها فيديو Live Action من اخراج Takashi Shimizu مخرج فيلم The Grudge و اللي يعتبر من مخرجي اللعبة برضو و معاه المصمم Masahiro Ito المعروف عنه اعماله في اول 3 اجزاء من Silent Hill.
اللعبة بيتم اخراجها من Hifumi Kouno اللي اشتغل علي اول جزئين من Clock Tower.
