أول جزء من OlliOlli اثبت إن في فرص كويسة جدا في العاب Skateboarding. اللعبة لما نزلت على Vita كان فيها كذا فاكرة جديدة وكذا فاكرة موجودة في لعب زي ديه كتير. وإزاي الموضوع ممكن يكون في نسبة تحدي عالية وبالاخص في 2D.
الجزء التاني بيعمل كل ما أنت بتتمنى في لعبة عايزلها جزء تاني. بتحدد احنا ليه ادمنا الجزء الاول وفضلنا نلعبه, اللعبة مش بتديك احساس إن إنت عمال تعيد وتزيد. الجزء التاني حسن حاجات كتير جدا في اللعبة و خلاها افضل بكتير من الجزء الاول.
اللعبة قدمت امكانية إنك ممكن تخلص مستوى كامل بـTrick واحدة ماشية معاك طول الـGame وده عن طريق التحكمات الـManual اللي اللعبة بتقدمها. كل مستوى من OlliOlli 2 مليء بالتوتر والمتعة و العواقب الصعبة جدا, كله بيتعمد على سرعة تفكيرك ومهارتك.
هتكلم على نقطة كده وبعد كده أرجع للـGameplay, الـUI بتاع اللعبة ديه فعلا جميل جدا ورائع ومريح للعين بشكل جميل جدا.
نرجع للـGameplay اللعبة بتقدم Mechanics جديدة وممتازة جدا, اهم اتنين هم Launches وهي إنك تنط من Ramp مثلا و تهبط بامتيازعن طريق الهبوط الـManual ده هيخليك تفضل مستمر في كومبو بتاعك, بدل ما تهبط وتجري وخلاص, لا إنت بتحبة بامتياز وتعمل Trick وتكمل, وممكن تعمل Wheelie عشان تكسب سرعة بسيطة وتنط تاني. طبعا عن طريق التقديمات ديه فـ إنت لازم تتعلم اللعبة تاني حتى لو كنت لعبت الجزء الاول.
أول 25 مستوى عبارة عن مزيج رائع جدا و بتقدملك كل حاجة في اللعبة و تحديات فيها كويسة جدا, أول ما تخلص الخمس تحديات هتنقل للمستويات العالية “Pro Levels” واللعبة هنا بتبقى امتع واصعب وهم برضه مجموعة من 5 تحديات. ولو عرفت تخلص الـ250 تحدي ده لو عرفت هتفتع مستويات اصعب كمان.
اللعبة فيها منحني تعليمي كويس جدا و مش بيخلص تقريبا, ومش هتسيبك دايما متضايق ومتعصب إنك مش قادر تعدي تحدي معين. اللعبة بتديك وقت عشان تقدر تتعلمها و تبقى ممتاز فيها, عشان أول ما مستوى التحدي يعلى تبقى إنت قادر عليه. اللعبة بتقدم تحديات صعبة وممتعة جدا هي فعلا لعبة Challenging.
اللعبة شكلها العام جميل جدا, ألوان اللعبة رائعة وتصميم المستويات كان فوق الرائع.
المزيكا في اللعبة مناسبة لجو اللعبة جدا و بتضيف حماس رائع للتجربة اللعبة.
فيه طور ممتع جدا لسة هينزل ممكن تلعبه مع اخوك أو صاحبك وهو Combo Rush وده Splitscreen Multiplayer 4-player, طور ده هيبقى حلو جدا ومليء بالتحدي بينك وبين صحابك.
OlliOlli هي مثال رائع لازاي تعمل جزء تاني ولكن في حاجة أنا بحسها اللعبة ديه لعبة Vita أكتر ما هي لعبة PlayStation 4 بمعنى الصح ديه لعبة Mobile أكتر لعبة للـSmart Phones مش Home Consoles, ولكن المتعة اللي بتقدمها أنا معنديش اعتراض تبقى متوفرة على إيه؟ بس فكرة إن ده احساسي إن ديه مش لعبة Console خالص, دي افضل تعريف للعبة على Smartphone أو Portable Gaming console وإزاي هي ممتازة وإن مفيش سقف لقد إيه إنت ممكن تبقى كويس في اللعبة ديه.
اللعبة متوفرة مجانا لمستخدمي PS Plus و اللعبة بتدعم Cross buy على Vita و PS4 بانصح أي حد انه يجبها ويلعبها.
