لو صدقنا الإشاعات فـمن المتوقع إن قريب هنسمع عن Gravity Rush Remastered
الـGames Rating Board الكوري الجنوبي نشر عدد من اللعب الجديدة علي قائمة العابهم و و واحدة منهم Gravity Rush Remastered للبلاي ستيشن 4. ديه مش اول مرة حاجة تسرب بسبب الـGRB الكوري و ده سبب قوي يخالينا متأكدين ان Gravity Rush قريب هتبقي لعبة PS4 بس احنا دلوقتي فيه حاجة أهم بكتير قوي لازم نتكلم فيها .. حاجتين في الواقع.
اللي مش عارف Gravity Rush دي لعبة PS VITA و ده منتج بيعاني من مشاكل من هنا لبكرة الصبح بسبب التجاهل و التهميش , ليه بقى تيجي على لعبة كانت Exclusive للمنتج ده ومحسس اللي اشتروها انهم مميزين وتخليها موجودة لـPS4 , و الاجابة على السؤال ده هي النقطة التانية وهي إنه PS4 و الجيل الجديد عموما اتحول لاجهزة Remasters ولحد دلوقتي لم يتم اصدار العاب حصرية محترمة كتير و احنا عايشين على الألعاب الـRemastered عايز تتأكد من كلامي بص على كل الناس اللي كان لازم تشتري GTAV تاني وكانوا هيدمروا servers Rockstar يوم الـHeists و كل الناس اللي بتقترح عليك لو هتشتري PS4 تجيب The Last of Us و من كام يوم تم الإعلان عن God of War 3 Remastered و عشان كده مفيش مشكلة ان يتم تهميش الـVita شوية كمان اكتر ما هو كان متهمش.
المشكلة هنا ان شعار PS4 بقي اللي تغلب به العب به و ديه كارثة انا مش شاري جهاز عشان العب عليه نفس الالعاب تاني بس يبقي شكلها احسن.
