SK Productions News Center

تحديد عدد ساعات اللعب في The Order 1886 من المطور

في الفترة اللي فاتت حصل جدل حوالين لعبة The Order 1886 بعد لما شخص معاه نسخة مسربة من اللعبة قدر انه يخلصها في حوالي 5 ساعات و في ادعائات بأن اللعبة ممكن تخلص في 3 ساعات لو لعبت بسرعة.

طبعا الموضوع خلي ناس كتير قبل ما اللعبة تنزل تتردد في قرارها او حماسها ناحية اللعبة لكن Andrea Pessino مؤسس ستيديو  Ready At Dawn حدد اللعبة ممكن تخلص في قد ايه.

لو انت شخص بتحب الاستكشاف و تجميع الـcollectables هتلاقي اللعبة بتخلص معاك في 8 لـ 10 ساعات. اما لو هتلعب علي صعوبة اعلي من متوسط هتخلص منك في 12 ساعة.

اما لو هتحاول تنجز اللعبة في اسرع وقت هتخلص في 5 ساعات.