في خلال مقابلة علي موقع Videogamer مع Vincent Pontbriand منتج لعبة Assassin’s Creed Unity , صرح بأن اللعبة هتشتغل بدقة عرض 900p و 30 fps علي كل من البلاي ستيشن 4 و Xbox one.
و فسر الموضوع بشكل غريب جدا انهم مش عاوزين يحصل اي جدال لما يكون في جهاز متفوق علي التاني , طبعا احنا عارفين كويس من الفترة اللي فاتت مين دايما بيبقي في الحالة دي متفوق علي التاني لكن هل ان يتم توحيد حاجة زي كده بالنسبة لجهازين تعدم الجدال و المقارنات بين النسختين ؟؟ شخصيا شايف انها هتأدي لعلامات استفهام اكتر في طريقة تعامل Ubisoft مع العابها.
و كمل Vincent و قال انهم لو عاوزين يخلوا اللعبة تشتغل 100 FPS يقدرو بس هما عاوزين مساحة اكبر تسمح بوجود AI ممتاز فا لابد ان يتم تخفيف حمل علي الـCPU بشكل اكبر.
علي رغم من التبريرات دي السنة اللي فاتت لما نزل الجزء الرابع من اللعبة كان الجهازين مشغلين اللعبة علي 900p و بعد كده اتجهوا انهم ينزلوا تحديث لنسخة البلاي سيتشن 4 يخليها 1080 و حسن من مستوي الجرافيكس شوية.
