في ناس كتير من خلال البيتا قلقوا ان ممكن يكون المحتوي الخاص بالمناطق اللي يتم استكشافها في كل كوكب هي منطقة واحدة , علي سبيل المثال Old Russia لكوكب الارض.
من خلال Live Stream كان عامله ستديو Bungie للاسف اكدوا علي مخاوف الناس ان فعلا ان كل كوكب هكون ليه منطقة واحدة. لكن Bungie اكدوا علي NeoGAF ان الاتسديو بيخطط لتقديم محتوي يخلي الناس تفضل تلعب لفترة طويلة جدا و ان اللعبة هتكون اضخم لعبة عملوها مش من ناحية الحجم بس انما من ناحية النشاطات , و منطقة زي القمر في اللعبة تعتبر اصغر منطقة اي حد ممكن يشوفها و ادام في مناطق اكبر و اغني.
و اللي الناس شافته من خلال البيتا كان مجرد شئ بسيط جدا و سطحي .
شخصيا انا يمكن الموضوه احبطني شوية خصوصا مع منطقة زي الارض اللي كنت اتمني اشوف منها اكتر من منطقة ببيئات مختلفة مش تبقي Old Russia , مش عارف هل اوصفها بانها فرصة ضايعة و لا ايه , و طبعا شخصيا عندي مخاوف بقي من اي خطط متعلقة بالـDLC’s بيتدفعلها فلوس و تفتح مناطق جديدة!
لكن علي جانب اخر من التصريحات الرسمية دي في ناس قدروا يجمعوا بيانات من البيتا تخص المحتوي اللي ممكن هنشوفه في الاصدار النهائي من اللعبة.
المعلومات بشكل مختصر بدون حرق ان اللعبة هيبقي في 22 مهمة للقصة 11 خريطة للـPVP و 6 Strikes و 4 مناطق ممكن يتم استكشافهم و Raid واحدة بس , طبعا في معلومات عن كميات الـItems اللي هتكون بالمئات و وجود كواكب مكنتش موجودة في البيتا زي زحل و عطارد و منطقة تانية اسمها The Reef.
