SK Productions News Center

تفاصيل و معلومات جديدة عن Farcry 4

Alex Hutchinson مخرج لعبة Far Cry 4 ادي شوية معلومات عن اللعبة تخص الجيمبلاي و هي كالاتي:

  • حجم خريطة اللعبة هيكون مماثل لحجم خريطة الجزء التالت , وجود الجبال و المناطق المرتفعة بتدي للعبة حجم اكبر علي مستوي رأسي هيضيف محتوي اكبر و اغني للعبة.
  • درجات الحرارة المنخفضة هتأثر علي اللي بيلعب بشكل كبير و هتتاثر في الاماكن العالية بسبب قلة الاكسجين , بالاضافة لوجود نظام اصابة بالامراض
  • اللعبة مش هيكون فيها قروش لكن في سمك اكل لحوم اسمه demon fish
  • اللعبة هتقدم انهيارات جيليدية من حين لاخر بس اللي بيلعب مش هيقدر يتسبب في حدوث اي واحدة منهم.
  • اللي هيشتري نسخة البلاي ستيشن 3 او 4 هياخد زي 10 اكواد اسمهم Keys to Kyrat يديهم لاي حد و ياخد بشكل مؤقت نسخة من اللعبة فيها محتوي الـCOOP و الـSingleplayer.
  • مفيش في اللعبة Split Screen
  • اللعبة فيها competitive multiplayer و فريق التطوير علي علم بفشل الـcompetitive multiplayer بتاع الجزء التالت بس بيقولو ان في دروس كتير اتعلموها
  • الـwingsuit هتتفتح في اول اللعبة
  • اللعبة مش هيكون فيها Quick Time Events
  • ممكن ترمي grenades و انت راكب العربية جوا اي عربية تانية بتتحرك جنبك
  • اللعبة هتقدم افكار كتيرة و مختلفة و متنوعة لتصنيع الاسلحة و السموم
  • ممكن تقفل اي حاجة علي الـHUD بحيث ان اي حد بيلعب يبقي ادامه فرصة يلقط اي منظر جميل ادامه و يعلمه Share بدون ما الـHUD تكون بتعترض المنظر ده
  • اللعبة هتقدم نهايات مختلفة زي الجزء اللي فات
  • في اللعبة انت بتختار انت عاوز تنضم لاني فريق و ده هيأثر علي علاقتك بشخصيات اللعبة و علي النهايات
  • الـOutposts ممكن تعملها reset  و تعيدها تاني