من ساعة ما انتهي تطوير لعبة Horizon Zero Dawn و ستوديو Guerrilla بدأ يزود في الدعاية بتاعت اللعبة اكتر بانه ينشر فيديوهات عن يوميات التطوير و شوية معلومات عن الماكينات الي هتقابلها في اللعبة و بعد لما عرفونا علي نوعين منهم الأسبوع الي فات الأسبوع ده برضو بيعرفونا علي نوعين تانين و هم الـStormbird
و ده طائر ألي بالطبع مبني علي صقر الـHaast المنقرض لكن بحجم اكبر طبعاً لأن الطائر النيوزلندي كان حوالي 35 باوند بس تقريبا , و الطائر ده طبعاً هيقدر يهجم من الهوا و خصوصا عن قرب و كمان بيقدر يهجم من علي الأرض , لكن ميزته انه بيقدر يجمع بأجنحته طاقة كهربية و يستخدمها عليك.
تاني ماكينة هي الـBehemoth و هي ماكينة نقل بتستخدم تقنية ضد الجاذبية عشان تنقل الكنوز الثمينة للمخزن الي جواها كأنه معدتها و هي مبنية علي ديناصور الـCrichtonsaurus و لو اعترضت طريقه هيحاول يهاجمك بانه يصعقك او يستخدم التقنية المضادة للجاذبية فأنه يرمي عليك الصناديق التقيلة , بالأضافة انه عنده حفارات بيقدر من خلالها انه يكسر الصخور و يستخدمها
و طبعا كل ماكينة من الماكينات دي عندها نقطة ضعف معينة و علي Aloy انها تكتشفها عشان تقدر تستخدمها ضدهم
اللعبة هتنزل في 28 فبراير في امريكا و 1 مارس في اوربا
