عرض ستوديو Tripwire Interactive لعبتهم الي شغالين عليها و هي Killing Floor 2 و هي لعبة خيال علمي رعب تتميز باللعب التعاوني و هي شغالة علي الـPlaystation 4 Pro , و كان تم الاعلان عن دعمها في تجمع Sony PlayStation الي كان مقام الشهر الي فات في مدينة نيويورك , و تم عرض اول فيديو Gameplay للعبة مع بعض الصور لها و ايضا اعلنوا عن تفاصيل جودة اللعبة علي الـPS4 Pro .
اللعبة هتكون شغالة بجودة 3200×1800″ 1800P” علي الشاشات الـ4k و هتم نقلها بتقنيات الـUpscalling لدقة 4K.و علي الشاشات الـHDTV هتكون صورة اللعبة سلسلة جدا و كمان هيكون في زيادة في الاطارات و استخدام كم اكبر من الذاكرة هيضيف جودة اعلى للتفاصيل في الصورة .
اللعبة هيتم اصدارها علي PS4 و PS4 PRO و PC و هيتم نشرها عن طريق Deep Silver و Iceberg Interactive و من المفترض اصدارها في تاريخ 18 نوفمبر 2016
