SK Productions News Center

عرض جديد لـUncharted 4 عن قصة اللعبة و الكشف عن دبلجة اللعبة بالعربي

Uncharted 4: A Thief’s End خلاص على أبواب, اللعبة هتنزل 26 أبريل القادم. و Naughty Dog نزلت عرض بيكشف عن تفاصيل صغيرة وتلميحات لأخر مهمة في قصة Nate. العرض مليان حاجات جديدة احنا أول مرة نشوفها.

Neil Druckmann مخرج اللعبة قال إن ده أفضل عرض الستوديو اشتغل عليه و العرض بيكشف عن الهدف وراء مهمة Drake الأخيرة.

Druckmann أكد إن الستوديو حاول إن العرض ميحرقش كتير ولكن العروض الخاصة بالقصة بيبقى فيها Spoilers عن القصة. لو إنت من الناس اللي بتحب تبعد عن أي حاجة متعلقة باللعبة قبل ما تنزل عشان مايتحقرش حاجة … أمشي من هنا بسرعة.

زي ما أنتم شايفين, فيه حاجات كتير على المحك في آخر جزء من قصة Nathan Drake. الفريق شغال بأقصى مجهود عشان يقدم أكتر لعبة طموحة لينا. احنا مش قادرين نوصف احنا مستنينكم تلعبوا ديه إزاي.

Sony الشرق الأوسط كشفوا أيضًا عن إن اللعبة هتبقى متوفرة بالعربي و هيبقى في دبلجة عربي.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.