SK Productions News Center

عرض مشترك بين Microsoft و Square Enix لتقنيات Luminous engine و DirectX 12

من يومين Microsoft قدمت ندوة بعنوان  Microsoft Build Developer من خلالها عرضت مميزات تخص Windows 10 و التقنيات اللي انتجتها الشركة و بتطورها زي HoloLens. لكن كان في حاجة مهمة اتعرضت و هو ديمو معمول بـLuminous engine الخاص بـSquare Enix , الديمو دا شوفناه قبل كده كان اسمه Agni’s Philosophy tech demo لكن النسخة الجديدة اسمها طويل شوية و هو Witch Chapter 0  cry.

الديمو المرة دي كان مدعوم بـDirectX 12  و فيه حوالي 63 مليون Polygon في المشهد الواحد و دا المفروض اعلي حوالي 6 لـ 12 مرة عن اللي ممكن يقدمه DirectX 11 و الفيديو كان شغال 8K في 8K , تقريبا كمية الارقام اللي اتقالت كفيلة انها توقف تفكير اي بني ادم للحظات.

و الاهم ان الفيديو و هو بيتعرض تم  التحكم في زوابا عرضه كدليل علي ان كل دا حاجة في المحرك نفسه مش زي فيلم اتعمله مونتاج.