سنة 2002 كان نزل بشكل حصري لجهاز الـNintendo Game Cube اول Remake او اعادة تطوير من الصفر لاول جزء من لعبة Resident Evil، ساعتها الـ Remake دا قدر بشكل اكتر من ممتاز يعيد تقديم الجزء الاول بشكل معاصر علي وقتها طبعا و كان في استقبال ايجابي بشكل كبير من كل النواحي ليه من اي حد بيحب سلسلة resident evil.
طبعا بعدها المطالبات بوجود Remake للجزء التاني عليت بشكل كبير جدا و لكن من المعروف ان سلسلة Resident Evil كانت على معاد مع انحدار شديد في المستوى مع الاجزاء اللي نزلت بعد الجزء الرابع، و لكن بداية من 2017 و تقديم الجزء السابع السلسلة رجعت علي المسار الصح بتقديم نفس كلعبة Survival Horror والسنة دي احنا على معاد مع Remake الجزء التاني اللي طال انتظاره من سنة 2002.
