اعلن Satoru Iwata رئيس شركة Nintendo في اخر اجتماع لملاك الأسهم إن الشركة ناوية تستمر في دعم أجهزة 3DS و WiiU حتى بعد نزول الجهاز الجديد NX وإن مفيش إي داعي يخليهم يوقفوا الإنتاج للأجهزة ديه و ان وجهه نظر مالية وقف دعم الاجهزة دي هيكون غير مناسب و قرار غير صحيح للشركة.
و المفروض حسب تقارير ان Nintendo NX هينزل في صيف 2016 مع تأكيد Nintendo بأنهم هيعرضوه في معرض E3 اللي جي. لكن مش معروف هل استمرارية دعم الـWiiU بتيجي من منطلق دعم جهاز جيل قديم بعد نزول الجيل الجديد منه لمدة زمنية, ولا دعم طبيعي الي جانب نزول جهاز جديد و مختلف زي الـ3DS مثلا. خصوصا ان شركة Nintendo اكدت اكتر من مرة ان NX عبارة عن فكرة جديدة تماما علي صناعة الالعاب و منصات تشغيلها.
