واحدة من أكبر نقاط النقاش في مجتمع Zelda هو وقت حدوث أحداث اللعبة وإزاي كل لعبة بتناسب الوقت ده مع احترام الأجزاء الأخرى. الموضوع أصعب من ما تعتقد, لأن Zeldaهي سلسلة بقصة محددة, اللعب ساعات بتقدم references غير واضحة للعب التانية, و الموضوع بيبقى صعب جدا إنك تحدد اللعبة فين في الوقت الزمني.
لما تم الكشف عن Breath of the Wild, الكل كان محتار ونفسه يعرف هي بتقع فين بالظبط. كان في نظريات كتير إن ديه جزء مباشر لـSkyward Sword, أو هي بعد أحداث Wind Waker. أيضًا بعض الناس بتعتقد إنها بعد Zelda II.
Eiji Aonuma, منتج سلسلة Zelda كان قليل في تعليقاته عن اللعبة ورفض كتير جدا انه يعلق على الموضوع ده, وقال إن الكشف عن وقت أحداث اللعبة هيبقى جزء ضخم جدا في أحداث القصة. ولكن خلال مقابلة مع Game Informer, أكد إن اللعبة هتبقى بعد أحداث لعبة Zelda اللي نزلت في 1998 على Nintendo 64.
النقطة ديه لم تناقض تصريحه الماضي إن الكشف عن وقت اللعبة هو واحد من أهم تفاصيل القصة, لأن السؤال الأكبر لسة موجود امتى أحداث اللعبة بتقع بالظبط, ده بسبب إن الجدول الزمني بيتقسم لتلاتة بعد لعبة 1998. فـ هل اللعبة بعد Wind Waker؟
The Legend of Zelda: Breath of the Wild هتنزل حصريا على Nintendo Switch و Wii U في 3 مارس القادم.
