SK Productions News Center

تأجيل Mighty No. 9 تاني

تالت تأجيل للعبة المنتظرة وبشدة.

Kenji Inafune كشف إن Mighty No. 9 تم تأجيلها مجددا.

خلال تحديث على صفحة اللعبة على Kickstarter, مطور اللعبة قال إن اللعبة تم تأجيلها بسبب Matchmaking Bugs, اللي هم لسة شغالين عليها.

احنا كنا شغالين لحد آخر لحظة من أجل أصلاح المشاكل ديه عشان نقدر نخلي اللعبة متوفرة في فبراير, ولكن اكتشفنا إن مفيش وقت كافي لتصليح المشاكل اللي موجودة ونبقى جاهزين لاصدار اللعبة.

في سببين كبار هم السبب في مشكلة ديه, واحد هي عدد الأجهزة اللي اللعبة بتدعمهم فـ بالتالي بيبقى في حل لكل جهاز وطريقة حل المشاكل بتبقى مختلفة على كل جهاز. وتاني حاجة إن الـEngine المستخدم حاليا للأسف تم وقف دعمه وده بيعني إن أي تصليحات و تعديلات خاصة بـMatchmaking بيتم تطبيقها بشكل يدوي بمعنى أصح مطوري اللعبة بيعيدوا برمجة أجزاء من الـEngine.

للأسف هو ده السبب, وديه غلطة مننا احنا فريق التطوير في حسابتنا.

Inafune لم يقدم موعد اصدار جديد, غير إن اللعبة متوقع اصدارها في ربيع 2016.

Yousef ElAdawy

رئيس تحرير SK Productions / 3rabGamer. محب للـGaming منذ الصغر. و من متابعي السينما بشغف. أهتم بمعظم أنواع اللعب, ولكن أقرب الـGenres لقلبي الـJRPGs و Open World و Narrative Based.