أخبار و مراجعات ألعاب الفيديو

سبع العاب تحت التطوير حاليا من Bethesda بالاضافة لمشاريع دعم الـVR لالعاب قديمة

SHARE
, / 175
سبع العاب تحت التطوير حاليا من Bethesda بالاضافة لمشاريع دعم الـVR لالعاب قديمة

في مقابلة مع موقع IGN المخرج Todd Howard اللي اخرج اجزاء من سلسلة Fallout و Elder Scrolls اتكلم عن مشاريع شركة Bethesda في المستقبل و بدأ في كلامه عن دعم تقنيات الـVR للعبة Fallout 4, اللعبة حسب تعليقه هيتم دعمها بشكل كامل بنسبة 100% بدون حذف لاي محتوي من محتوياتها او تغييره. لكن الاهم في عملية التطوير حالة الدوار و الاضطراب اللي من الممكن تصيب اللاعب بسبب استخدام نظارات الواقع الافتراضي لفترة طويلة و حاليا بيطوروا سبل و طرق لمواجهة النوع دا من المشاكل.

علي جانب اخر Todd اتكلم عن ان في مشاريع تحت التطوير و عددهم سبعة, و هي تعتبر العاب جديدة تماما و اضخم من اي لعبة طوروها و تعتبر العاب مختلفة و لكن فيها الشئ المألوف من العاب الشركة و اللي يعتبر مش غريب علي اي حد لعب العابهم.

طبعا من اكتر المشاريع المنتظرة في الوقت الحالي من Bethesda هو الجزء السادس من سلسلة Elder Scrolls و اللي كان سبق التأكيد علي نية تطويره.