الجزء الاول من الـ Reboot اللي اتقدم لسلسلة Hitman في 2016 كان قادر انه ينجح و يفشل في كذا حاجة.
اللعبة اولا نجحت بشكل كبير في انها تعيد تقديم السلسلة بنفس اسلوبها و افكارها اللي بدأت بيها الاجزاء القديمة مع اول جزء في سنة 2000. و لكن الـ Reboot او اعادة تقديم السلسلة ممكن نقول انه فشل تجاريا و تسويقيا بسبب فكرة اصدار اللعبة علي هيئة حلقات.
انا من الناس اللي عجبني جدا اللي اتقدم في الجزء الاول او الموسم الاول و كنت اتمني ان IO Interactive يستمرو في تقديم حاجة جديدة للسلسلة دي
و دا اللي حصل بالفعل من خلال Hitman 2 و اللي هنتكلم عنه النهاردة و ناخد بالنا من نقطة و نسال سؤال
هل كان الجديد اللي قدامنا دا يتقال انه نقلة جديدة للسلسلة و جزء جديد فعليا ولا مجرد محتوي اضافي للجزء اللي فات متنكر في جزء جديد ؟؟
