قبل الإعلان رسميا عن لعبة Anthem كان مشروع اللعبة في اشاعات عنه ان ليه اسم و هو Project dylan، السبب ورا التسمية حسب اللي كان اتقال في التقارير دي ان Bioware عاوزين يقدموا لعبة يكون ليها تاثير على صناعة الالعاب بنفس تأثير Bob Dylan على صناعة الموسيقي.
اعتقد من بعد لما قضيت 40 ساعة او يمكن اكتر في لعبة زي Anthem انا شفت ان اللعبة بتنضم لموجة معينة في الالعاب حاليا ليها تاثير كبير و واضح و الموجة دي هي الالعاب الخدمية.
الالعاب الخدمية ممكن تكون حاليا سلاح ذو حدين، علي جانب ايجابي فكرة انك تقدم لعبة بتطور و يتضافلها محتويات اكتر مع الوقت فكرة ممتازة، و لكن الحد التاني و هو تنفيذ اللعبة، بنلاقي ان للاسف اغلب الالعاب دي مع اصدارها بتكون فيها حالة الحد الادني للمنتج القابل للمعيشة و دا للاسف بياثر علي اللعبة بالسلب سواء من ناحية قيمتها وقت نزولها و قيمة افكارها و جودة تصاميمها
و مع الاسف Anthem مش بعيدة عن الحالة دي علي رغم من وجود تربة خصبة جدا من خلالها لتقديم افضل لعبة Looter Shooter.
