يظهر ان احنا هنكون ادام معلومات بشكل بدري عن المتوقع بخصوص الجزء الجي من Assassins Creed اللي هيكون في لندن في فترة القرن التاسع عشر.
اللعبة بالطبع بتاخدنا لفترة العصر الفيكتوري في لندن و دي فترة ليها طابع و اهمية تاريخية واللعبة لحد دلوقتي واخدة اسم مؤقت و هو Assassin’s Creed Victory و المفروض انها اصدار للجيل الجديد و الـPC.
اللعبة هتكون بشكل كامل من انتاج Ubisoft Quebec و دا اول مشروع ليهم يكون Triple A.
شخصيا و تعليقي علي الخبر ان الموضوع بيخليني في حالة من المشاعر المختلطة , انا بحب فترة العصر الفكتوري و نفسي في لعبة تقدم الفترة دي و الصراحة ممكن اقول ان سلسلة زي Assassin’s Creed ممكن تغطيها بشكل حلو. لكن وضع السلسلة مؤخرا و خصوصا مع الاصدار السئ لـUnity اللي لسة فيها مشاكل يخليني مستغرب من الاعلان ولو حتي تسريب معلومات و صور قبل اللعبة بسنة كاملة !! هل حصل تطوير كافي للجيمبلاي ولا حصل كتابة مقبولة للقصة ؟؟ دا شئ يحطني في قلق شديد ناحية اللعبة لحد ما تكون في ايدي و العبها.
الصور تحت هتلاقوها و منقولة من موقع Kotaku.
